Nyrsys Hywel Dda yn Cael eu Dathlu Mewn Gwobrau Cenedlaethol

Cafodd chwech o nyrsys lleol eu cydnabod yng Ngwobrau Nyrs y Flwyddyn y Coleg Nyrsio Brenhinol Cymru – gwobrau sy’n fawreddog iawn – a gynhaliwyd yng Nghaerdydd ddydd Iau, 19 Tachwedd 2026.

Eleni, llwyddodd nyrsys o Fwrdd Iechyd Prifysgol Hywel Dda i ennill mewn dau gategori a dod yn ail mewn pedwar categori arall. Llongyfarchiadau mawr i:

  • Cerian Llewellyn, Pennaeth Bydwreigiaeth – enillydd Gwobr y Prif Swyddog Nyrsio dros Gymru
  • Lisa-Marie Hassall, Nyrs Gymunedol a Hwyluso Iechyd – enillydd Gwobr Nyrs Gofrestredig mewn Anawsterau Dysgu
  • Samantha Barrett, Nyrs Haematoleg Arbenigol – yn ail yn y categori Gwobr Nyrs Glinigol Arbenigol
  • Aimee Williams, Uwch-ymarferydd Nyrsio – yn ail yn y categori Gwobr Nyrs Gofrestredig mewn Iechyd Meddwl
  • Ingrid Phillips, Nyrs Cyflyrau Hirdymor Pediatrig – yn ail yn y categori Gwobr Nyrs Plant Gofrestredig
  • Hannah Jones, Myfyriwr Nyrsio (Oedolion) – yn ail yn y categori Gwobr Myfyriwr Nyrsio

Dywedodd Sharon Daniel, Cyfarwyddwr Gweithredol Nyrsio, Ansawdd a Phrofiad y Claf yn y Bwrdd Iechyd: “Rwy’n hynod falch o weld ein cydweithwyr nyrsio a bydwreigiaeth yn cael eu cydnabod yn y digwyddiad mawr a nodedig hwn.”

“Mae’r gwobrau’n cynnig cyfle gwych i’n nyrsys, bydwragedd, gweithwyr cymorth a myfyrwyr arddangos y gwahaniaeth maen nhw’n ei wneud i fywydau ein cleifion, a’r gwaith caled maen nhw’n ei wneud ddydd ar ôl dydd.

“Hoffwn gynnig fy llongyfarchiadau cynhesaf i holl enillwyr a’r rhai a ddaeth yn ail eleni. Mae’n wir fraint gweithio ochr yn ochr â gweithwyr proffesiynol mor ymroddedig a thosturiol.”

Llongyfarchiadau i chi gyd, rydym yn hynod o falch o’ch cael chi yn ein teulu Hywel Dda.

You cannot copy any content of this page